Búgin L.N Gýmılev atyndaǵy Eýrazıa ulttyq ýnıversıtetinde «RÝHANI JAŃǴYRÝ JÁNE TARIH ǴYLYMYNYŃ JAŃA MİNDETTERİ» atty otandyq tarıhshylardyń IV kongresi ótti jatyr dep habarlaıdy Qamshy aqparattyq agenttigi.
Oǵan Qazaqstannyń barlyq oblystarynan respýblıkaǵa tanymal tarıh- gýmanıtarlyq ǵylym men bilim salasynyń kórinekti ókilderi, QR Parlamentiniń depýtattary, sonymen qatar sheteldik qonaqtar kelip qatysýda. Kongresti ótkizýdiń basty maqsaty Elbasynyń – qoǵamdyq sanany jáne rýhanı órleýdi jańǵyrtý baǵytyndaǵy jańa bastamasyna qoldaý kórsetý. Sondaı-aq otandyq tarıh ǵylymy men bilim berý salasynyń ózekti máselelerin talqylaý men mektep pen joǵary oqý oryndarynyń mazmundyq jaǵdaıyn jaqsartýǵa jete mán berý. Osy kongrestiń ótýine muryndyq bolyp, alǵash sóz alǵan EUÝ rektory E.Sydyqov myrza «Qazaqstan Respýblıkasy qazirgi tańda rýhanı jańǵyrýǵa betburys jasap otyr. Bul oraıda Elbasy N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy, elimizdiń tarıhy men dástúri, ádet-ǵurpyn qaıta jańǵyrtýǵa baǵyttalǵan jańa bastamalardy kóterdi. Elbasy óz maqalasynda «Men halqymnyń taǵylymy mol tarıhy men yqylym zamannan arqaýy úzilmegen ulttyq salt-dástúrlerin aldaǵy órkendeýdiń berik dińi ete otyryp, ár bir qadamyn nyq basýyn, bolashaqqa senimmen bet alýyn qalaımyn» dep atap kórsetken bolatyn» dedi. Kongreste sheteldik jáne qazaqstandyq ǵalymdar tómendegideı «Otandyq tarıh ǵylymy men biliminiń ózekti máseleleri», «Latyn álipbıine kóshý rýhanı jańǵyrýdyń negizgi elementi retinde», «Ulttyq kod mádenı belgiler men qundylyqtar júıesi retinde» sekildi alýan túrli taqyryptar tóńireginde óz oılaryn ortaǵa salatyn bolady.
